Հայաստանի մի շարք գետերում սպասվում է ջրի մակարդակի վտանգավոր բարձրացում

Փրկարարական ստորաբաժանումներն անցել են արտակարգ ռեժիմով ծառայության:

ՆԳՆ Փրկարար ծառայությունը, հիմնվելով Հիդրոօդերևութաբանության և մոնիթորինգի կենտրոնի տվյալների վրա, նախազգուշացնում է առաջիկա օրերին գետերի վարարման վտանգի մասին: Ամպրոպային տեղումներով պայմանավորված՝ Արփա, Եղեգիս, Հրազդան, Մարմարիկ և Վեդի գետերի ավազաններում սպասվում է ջրի մակարդակի էական բարձրացում:

Վտանգավոր հատվածներ. Հնարավոր են ափամերձ տարածքների ողողումներ հետևյալ ուղղություններում.

  • Արենի–Եղեգնաձոր–Վայք

  • Հրազդան և Հանքավան

  • Աղավնաձոր և Ուրցաձոր

Փրկարարական ստորաբաժանումներն անցել են արտակարգ ռեժիմով ծառայության: Քաղաքացիներին հորդորում ենք խուսափել գետերի հարակից գոտիներում գտնվելուց: Վտանգի դեպքում զանգահարել 112: