ԱՄՆ կառավարությունը հրաժարվում է ճանաչել ռեցեսիան ՝ չնայած ՀՆԱ-ի երկու եռամսյակ անընդմեջ անկմանը․ Bloomberg ԱՄՆ կառավարությունը հրաժարվում է ճանաչել ռեցեսիան ՝ չնայած ՀՆԱ-ի երկու եռամսյակ անընդմեջ անկմանը։ Ֆինանսների նախարար Ջանեթ Յելենի խոսքով ՝ ԱՄՆ տնտեսությունը ոչ թե ռեցեսիայի մեջ է, այլ «աճի զգալի դանդաղում է»։ Դա անհրաժեշտ է երկրում գնաճը հաղթահարելու համար,- Յելենի խոսքերն է մեջբերում Bloomberg-ը։ Երկու եռամսյակ անընդմեջ ՀՆԱ-ի անկումը համապատասխանում է ռեցեսիայի ընդհանուր ընդունված սահմանմանը, սակայն դա կարող է հայտարարել միայն Տնտեսական հետազոտությունների ազգային բյուրոն (NBER): Դա անում է զգալի ուշացումով. կարճատև անկումները ժամանակ ունեն ավարտվելու մինչև NBER-ը պաշտոնապես կճանաչի դրանք: Յելենի խոսքով ՝ ռեցեսիան նշանակում է տնտեսության համապարփակ թուլացում։ «Մենք հիմա դա չենք տեսնում», - ասել նա: ԱՄՆ-ում շարունակում են աշխատատեղեր ստեղծվել, տնային տնտեսությունների ֆինանսները մնում են լավ վիճակում, սպառողական ծախսերն աճում են, իսկ բիզնեսները ՝ աճում: Fed-ի ղեկավար Ջերոմ Փաուելը, ելույթ ունենալով բազային տոկոսադրույքը 0,75 տոկոսային կետով բարձրացնելուց առաջ կայացած ճեպազրույցում, նույնպես ասել է, որ ԱՄՆ-ում ռեցեսիա չի տեսնում։ «Ես չեմ կարծում, որ ԱՄՆ-ն այժմ ռեցեսիայի մեջ է: Պարզապես այն պատճառով, որ տնտեսության չափազանց շատ ոլորտներ շատ լավ են աշխատում: Աշխատաշուկան շատ ուժեղ է, դա չի կարող լինել, եթե տնտեսությունը գտնվում է ռեցեսիայի մեջ», - մեջբերում է CNBC-ն։