Գերմանական Porsche AG ավտոարտադրողն անցկացրել է հրապարակային տեղաբաշխում (IPO) ՝ մուտք գործելով Ֆրանկֆուրտի ֆոնդային բորսա Գերմանական Porsche AG ավտոարտադրողն անցկացրել է հրապարակային տեղաբաշխում (IPO) ՝ մուտք գործելով Ֆրանկֆուրտի ֆոնդային բորսա։ Porsche-ի բաժնետոմսերի առևտուրը, որը պատկանում է Volkswagen-ին, սկսվել է հինգշաբթի ՝ սեպտեմբերի 29-ին, P911 նշանով,- ասվում է ընկերության կայքում: Volkswagen-ը IPO-ի համար ներկայացրել է Porsche-ի 12,5% բաժնետոմսը ՝ դրանց դիմաց ստանալով 9,4 մլրդ եվրո։ Ընկերության ընդհանուր կապիտալիզացիան կազմում է 75,2 միլիարդ եվրո, ինչը այս տեղաբաշխումը դարձնում է Եվրոպայի պատմության մեջ ամենամեծերից մեկը: Porsche-ում իր մասնաբաժնի վաճառքի միջոցով Volkswagen Group-ը գումար է ստացել էլեկտրական մեքենաներում ներդրումներ կատարելու համար: Գումարի մի մասը բաժնետերերին կվճարվի հատուկ շահաբաժինների տեսքով: «IPO-ից ստացված եկամուտները Volkswagen-ին զգալիորեն ավելի մեծ ֆինանսական ճկունություն կապահովեն ՝ որպես էլեկտրաշարժունակության և թվայնացման փոխակերպման մաս»,- ասել է VW-ի ֆինանսական տնօրեն Առնո Անտլիցը: Porsche AG-ի ցուցակումը ուժեղացնում է նաև Porsche-Piech ընտանիքի ազդեցությունը, որը կստանձնի ընկերության արգելափակող փաթեթը ՝ 25% + 1 բաժնետոմս,- գրում է Reuters-ը։