Ինչու՞ և ինչպե՞ս... Անահիտ Սիմոնյանի մի քանի բիզնեսների հետքերով

ABNews.am-ը շարունակում է Ձեզ ներկայացնել հայ հայտնիների հայտնի ու անհայտբիզնեսները: Այս անգամ խոսելու ենք Անահիտ Սիմոնյան երգչուհու, ոչ թե մեկ, այլ մի քանի բիզնեսների մասին:

Երգչուհի Անահիտ Սիմոնյանը դեռ 9 տարի առաջ սկսեց լրջորեն զբաղվել հագուստների մոդելավորմամբ, սակայն ինչպես ինքն է նշում, սերը մոդելավորման և նորաձևության աշխարհի հանդեպ մեծ է եղել դեռ մանկուց: Սկիզբը եղել է մի քանի հայտնիների համար հատուկ հագուստների ձևավորմամբ, որոնք Անահիտը պարզապես նվիրել է, իսկ այսօր Անահիտն ունի մեծ նորաձևության սրահ` տասնյակ աշխատակիցներով: Շատ հայտնիներ են կրում Անահիտ Սիմոնյանի մոդելավորած զգեստները, ինչպես նաև «Anahit Simonyan Fashion»-ը ժամանակ առ ժամանակ հայկական հավաքածուներ է ներկայացնում, որոնցում առկա են հայ գրողների ստեղծագործություններից հատվածներ:

Ի դեպ, նորաձևության խանութն ունի մասնաճյուղ ԱՄՆ-ում:

Անահիտ Սիմոնյանի 2-րդ բիզնեսը «Isirun»-ն է:«Isirun»-ն իրենից ներկայացնում է օնլայն գեղեցկության սրահ: Պատվերները ընդունվում են հեռախոսազանգի միջոցով, իսկ ծառայությունները մատուցվում են հաճախորդի ցանկացած վայրում` տանը, աշխատավայրում և այլն: Օնլայն գեղեցկության սրահում աշխատում են վարսահարդարներ, դիմահարդարներ, մատնահարդարներ, մերսման մասնագետներ, էլոս էպիլյացիայի մասնագետներ և կոսմետոլոգներ:

Անահիտի խոսքով` «Isirun» առցանց գեղեցկության սրահ ստեղծելու գաղափարը եկել էկարանտինի ընթացքում, երբ ամբողջ երկիրը փակ էր, և գեղեցկության սրահները չէին գործում:

Անահիտ Սիմոնյանի թվով 3-րդ բիզնեսը իրագործման ճանապարհին է: Անահիտը պատրաստվում է բացել իր ռեստորանը, ինչի համար մասնակցել է բիզնես դասընթացների:

«Մտնել այս ամենի մեջ առանց փnրձի ու տղամարդու թիկունքի, հեշտ գործ չէ: Միայն ես կարող էի անցնել նման փnրձության միջով: Բայց կարևnրը չկոտրվելն է»,- նշել է Անահիտը:

Բացի այս` Անահիտը շարունակում է անդավաճան մնալ իր երգարվեստին և ժամանակ առ ժամանակ ներկայանում նոր աշխատանքներով:

ABNews-ը մեծ հաջողություններ է մաղթում բիզնես լեդիին: