Զեկույց. ՌԴ քաղաքացիների մեծ ներհոսքի շնորհիվ Հայաստանը ՀՆԱ աճով առաջ է անցել ԱՊՀ մյուս բոլոր երկրներից. Forbes Ռուսաստանի քաղաքացիների մեծ ներհոսքի շնորհիվ Հայաստանը ՀՆԱ աճով առաջ է անցել ԱՊՀ մյուս բոլոր երկրներից։ ՀՀ տնտեսական աճն այս տարի կարող է հասնել 14%-ի՝ չնայած հանգամանքին, որ նախնական կանխատեսումով այն կազմելու էր 5%: Renaissance Capital ներդրումային ընկերության ուսումնասիրության արդյունքները հրապարակել է հեղինակավոր Forbes ամսագիրը: Կանխատեսվող երկնիշ տնտեսական աճի խթանների շարքում նշվում է նաև Ռուսաստանից դրամական փոխանցումների կտրուկ աճը, որը նպաստել է երկրի վճարային հաշվեկշռին: Զեկույցում նշվում է, որ ռուսաստանցիների ներհոսքի պատճառով ՏՏ ոլորտը դարձել է ամենաարագ զարգացողներից մեկը Հայաստանում։ Տնտեսագետ Սոֆյա Դոնեցի համոզմամբ՝ ռուսաստանցիների հոսքից առավել շահել են հյուրանոցային, ռեստորանային, սպասարկման և առևտրի ոլորտները: