ՌԴ-ն տուժու՞մ, թե՞ շահում է նավթային արգելքներից Շատ հետաքրքիր է Ասիայի խոշորագույն շուկայից՝ Չինաստանից ստացվող տեղեկատվությունն առ այն, որ այդ երկիրը մոտ 55 %-ով մեծացրել է ՌԴ-ից նավթի ներկրման ծավալները՝ գերազացնելով Սաուդյան Արաբիայի ցուցանիշները: Իհարկե, այս փոփոխության հիմնական շարժառիթներից Չինաստանի համար հանդիսացել են զեղչերը, որոնք ստիպված է տրամադրել Ռուսաստանը, սակայն մեծ հաշվով էներգակիրների համաշխարհային գնաճի ներկա պայմաններում և տուրիստական հոսքերի աշխուժացումը թույլ է տալիս ենթադրել, որ անգամ զեղչերի պարագայում էներգակիրներից, այդ թվում նաև նավթից, Մոսկվայի եկամուտները շարունակում են ավելանալ: Կամ ՌԴ-ն առնվազն չի կրում այն վնասները, որոնք ակնկալել է Արևմուտքը՝ կիրառելով սահմանափակումներ: