Ճանապարհաշինություն. Սյունիքը՝ 2022-ի ճանապարհաշինական ծրագրի առաջատար

2022-ը ճանապարհաշինական առումով հաջողված էր հատկապես Սյունիքի համար: Ծրագիրը մարզում գերակատարվել է: Նախատեսված 117 կմ–ի փոխարեն արդեն իսկ կառուցվել է 155 կմ ճանապարհ: Ֆինանսական ներդրումների առումով էլ առաջատարը Սյունիքն է: Այս տարի նախատեսված 34 մլրդ դրամից արդեն իսկ վճարվել է 17 միլիարդը: Ճանապարհաշինական բումը մարզում մեկնարկել էր դեռ նախորդ տարի: 2021-23 թթ. նախատեսված է կառուցել 43 միլիարդի 223 կմ ճանապարհ: Ընդհանուր առմամբ ճանապարհաշինական ծրագիրը հանրապետությունում այս տարի գերակատարվել է: Միայն հիմնական և միջին նորոգման ծրագրերով արդեն իսկ կառուցվել է 430 կմ ճանապարհ :