Այս տարվա 9 ամսում 50 տոկոսով գերազանցվել է տրանսֆերտների` տարեկան ամենաբարձր ցուցանիշը Դեպի Հայաստան տրանսֆերտների ծավալն այս տարի հասել է արդեն 3 մլրդ 461 մլն դոլարի: Սա Կենտրոնական բանկի հրապարակած հունվար-սեպտեմբերի տվյալն է, որն արտացոլում է հայաստանյան բանկերի միջոցով արտերկրից ֆիզիկական անձանց փոխանցված գումարը: Նախորդ տարվա նույն ժամանակահատվածում այդ թիվը 1 մլրդ 536 մլն էր: Ընդհանուր գումարի մոտ 67 տոկոսը փոխանցվել է Ռուսաստանից, 14.2 տոկոսը` ԱՄՆ-ից, մնացածը`այլ երկրներից: Միայն սեպտեմբերին Հայաստան է փոխանցվել կես մլրդ դոլարից ավելի փող: Ընդհանուր առմամբ, մեր երկիր տրանսֆերտների ամենամեծ հոսքը եղել է 2013 թվականին`2 մլրդ 302 մլն դոլար, այս տարվա 9 ամսում այդ ցուցանիշն արդեն գերազանցվել է ավելի քան 50 տոկոսով: