Այս տարի 29 տոկոսով շատ ՀՀ քաղաքացիներ են նախընտրել հանգստանալ մեր երկրի տարածքում

Հայաստանի մոտ 279 հազար քաղաքացի այս տարվա առաջին 6 ամսում նախընտրել է հանգստանալ մեր երկրի տարածքում: Սա Վիճակագրական կոմիտեի տվյալն է, որն արտացոլում է հյուրանոցներում և հանգստյան տներում հաշվառված քաղաքացիներին: Այս ցուցանիշը 29.1 տոկոսով ավելի է նախորդ տարվա նույն ժամանակահատվածից: Ներքին զբոսաշրջության ընդհանուր ցուցանիշի մեջ մոտ 10 տոկոսը սոցիալական փաթեթի միջոցով հանգստի մեկնող քաղաքացիներն են: Նշենք, որ միևնույն ժամանակահատվածում մեր երկիր ժամանած զբոսաշրջիկների թիվը գերազանցում է 588 հազարը: